si-na-una

Masarap mabuhay noong unang panahon, yung bang magsusuot ka ng filipiñanang damit tapos may pamaypay kang masangsang ang amoy na ipangtatakip mo sa bibig mo kapag tatawa ka ng ahihihihi. Tapos kunwari conservative ka pero yun pala nasa loob ang kulo (hala).

Hindi ko alam kung pano nila natitiis magsuot ng ganung kainit na dami. Balot na balot ang mga kababaihan noon na parang sumang hindi matae. Whew! pati tuloy ako nag iinit na rin ahehehe.

Syet ang init abot singit! pero todo pose parin ang mga dalagingding

Sapalagay ko nga e hindi na nila nakuhang labhan yang mga damit nila dahil miski si Aleng Bebang na tumatanggap ng labada sa may kanto ay di kakayanin ang paglalaba ng mga filipiñanang damit.

Ewan ko ba kung bakit napagdiskitahan ko yung mga kasuotan noong unang panahon, dahil narin siguro namuryot ako kanina kakakain ng matigas na bagel with cream cheese. Tsk tsk nangawit lang ang panga ko kakanguya.

Okey, balik na tayo sa sinaunang panahon. Napaka ganda ng mga pangalang ibinibigay ng mga magulang sa kanilang mga anak noong panahon ni kopong kopong:

Kuring, Inday, Bebang, Kardeng, Gorio, Sisa, Basilio, Crispin, Maria Clara, Trining, Pacita, Purikita, Purikito, Dudong, Luzviminda, Rupino, Tasyang, Pasing, Basyang, Basyong, Enriqueta, Enriqueto, Jose, Joseng, Joselito, Florencia, Cerenia, Inisia, Pinong, Pinang, Diding, Dorya, Pantsa, Tunying, Pedro, Sinang, Milagring, Luningning, Mariposa, Budang, Sonyang, Plunggay, Kunchita, Pirina, Pirino, Tekla, Bada, Piling, Alay, Aloy, Badong, Anoy, Lagik, Kabe, Pato, Bubong, Pelisidad, Caridad, Carming, Ibing, Nene, Tata, Undoy, Toto, Berto, Berta, Sonya, Bartolome, Pilipo, Pilipa, Purita, Purito, Consolacion, at marami pang iba hay hirap kaya mag isip.

Diba ang lufet ng mga pangalan! Minsan nga iniisip ko na ganyang klase na lang ang ibigay kong pangalan kapag nag kaanak ko (kaylan kaya yun? hay) kaya lang baka mamuryot lang sakin yung magiging anak ko at sabihin niyang :

(kunwari lalaki ang naging anak ko)
” Ermat! sa dinadami ba namang pangalan na naimbento sa ilalim at sa ibabaw ng lupa bakit Kardeng pa ang ipinangalan mo sakin! Bakit!? Pwede namang JOE o di kaya FALCON (hay yung anak ko gusto yata maging ibon) diba bakit hindi na lang yun?!!!! BAAAKIT!!!!! waaaaahhh”
(babae naman)
” Mudra!, Bakit naman Bebang ang ipinangalan ninyo sa akin ni Pudra?. Ayan tuloy akala ng mga klasmeyt ko tumatanggap ako ng labada ahuhuhuhuhu”

mga batang namuryot dahil sa pangalan nila

O diba kaawa naman yung magiging anak ko tsk tsk, pero iba talaga kasi dating sakin niyang mga makalumang pangalan na yan e. Di bale ibang pangalan na lang ibibigay ko sa kanila pagdating ng panahon pramis.

Mga Puna

Mga Puna RSS Bakas-pabalik Tagatukoy na URI